Mia registaro militas.Estas malegaleco grandega . Mi vidis viron kiu devas dormi strate kaj marŝi 18 mejlojn por ie dormi. Homoj malliberiĝas pro mensaj problemoj. Estas multe da malkontento. Oni devas ebriiĝi por ke oni normala sentu.
Protesto apenaŭ okazas. Ni estas ĉiam ĉie spektataj. Estas konsento inter la ĉefaj sociaj komunikiloj.
Ni uzas multe da energio, sed tio ne estas daŭripova. Ĉi tie ni preskaŭ nenion faris por gajni nian estontecon.
Homoj zorgas pri aferoj sed nenion faras ĉar ŝajne nenio fareblas.
Politiko signifas spekti potencajn homojn televide kaj diveni kion ili faros.
Mi estas en Britio, 'riĉa lando'.
Do aliloke ege pli teruras laŭdire.
Kion ni faru?
Nu ekzemple jen la politika sistemo.
Oni havas parlamenton nun sen sufiĉa plejmulteco por ke unu partio regu.
Do la liberaldemokrata partio devas elekti kion fari. Tamen, la Merkato decidis malplifortigi la pundon ĉiam kiam ŝajnas ke la laborista partio kaj liberaldemokrata partio kunsidu.
Por kiu la partioj sidas parlamente? Laŭ mi por la Britoj ĉar estas Brita parlamento. Mi celas ke ĉiuj la homoj en Britio (almenaŭ la plenkreskuloj) devus decidi kion faras la registaro.
Nun minacas nin la Merkato.
La celo de mono nun ŝajnas esti mono.
Mi ne proponas forigi monon, tio nun ne eblas. Tamen, la monon devus regi normalaj homoj, ne riĉuloj kiuj kapablas vete ŝanĝi velutojn, regi landojn.
Ni loĝas, kiel skribis Peter Thatchell, en ekonomia diktaturo.
Eĉ se diktaturo ion bonan faras, ĝi esence malbonas.
Mi ne diras ke la homoj aĉas, sed ke la sistemo kiu agigis tiel homoj agaĉi
Mi legis eseon de Thoreau kaj ĝi min interesas.
Mi volas scii kiel oni povas ĉesigi militon. Se oni povus foririgi Brition de ĉiuj militoj monde, mi kredas ke tio evitus multe da suferado.
Kiel tio eblas tamen? Kaj kial oni apenaŭ babilas pri ĝi? La ĵurnaloj ŝajne apogas la militon. Ili simple diskutas, kiel pli bone venki en milito.
Kio estas venki en milito? Tio estas mortigi alian homon.
Se oni priparolus la plej bonan metodon por mortigi alian homon surstrate, oni kredus ke io aĉas fiegas. Tion oni taksus malmorala.
Tamen, kial kial kial tio taŭgas aliloke?
Mi ne scias, sed havas ideon. Eble oni konstruas koncepton de alia, kaj kio okazas al la alia, apenaŭ okazas. Tiu eble ne suferas, tiu alias de mi.
kaj ĉiukaze, oni alportas demokration, liberecon, oni faligis diktaturestron, do bonegas.
Kiam mi pli bone komprenos la ideojn de Thoreau, mi ion alian skribos. Ŝajne miliono da homoj ne povas ŝanĝigi ideojn de regio, kvankam Rupert Murdoch, socikomunikila diktaturulo, povas faligi registaron.e
Mi ne volas diri kion ekzakte fari, multaj jam provis. Kaj iu fine iam scios kion fari kaj konstruos teorion.
Sed estas problemo pri numeroj.
Tro malmultaj ili estas kiuj volas ŝanĝigi la mondon. Mi volas sed ne povas. Kion mi faru? hmmm
Eterna demando.
Laŭ mi, la Britoj devus decidi kio okazas.
No comments:
Post a Comment